 |
| Иванова В. М. |
Паянхи шкул вĕренĕвĕнче эпир, вĕрентекенсем, шкул ачин харкамлăхне, унăн ăславлă пултарулăхне, кăмăл-сипетне, курăмлă-сăнарлă шухăшлавĕпе логика шухăшлавне аталантарас тĕллевпе тĕрлĕ ăслайпа усă куратпăр. Çак ĕçе туса пыма пире синквейн, даймонд, хĕвеллĕ кластер, сапакаллă кластер, фишбоун мелĕсем пулăшаççĕ.
Çавăн пекех паянхи шкул вĕренĕвĕнче шкул ачисен тĕрлĕ енлĕ нумай информаци ас туса юлмалла, кунсерен çĕнĕ пĕлĕве те ăша хывмалла. Пурне те пуçра мĕнле тытмалла? Çак йывăрлăхран тухма интеллект картта пулăшать те ĕнтĕ.
Интеллект картта (шухăш картти, шухăшлав картти, тавра курӑм картти, ăс картти, сăнлăх речĕ, çыхăну диаграмми) – шухăшлава, шухăшлав йĕркине куҫпа курмалла схемăласа кӑтартни.
Интеллект картта ăслайĕн авторĕ – ТОНИ БЬЮЗЕ британи психологĕ.Российăра ку ăслава Михаил Евгеньевич Бершадский, Елена Александровна Бершадская аталантарнă.
: