 |
| Иванова Н. Г. |
Сапăрлăх тĕллевĕ:
1. Çут çанталăк илемне курма, ăна сăнама вĕрентесси.
2. Пур чĕрĕ чуна, çутçанталăка упрама вĕрентесси.
Пĕлÿ тĕллевĕ:
Ачасен калаçу чĕлхине малалла аталантарасси.
Илемлĕх тĕллевĕ:
Кайăксен , çут çанталăк сассине итлеме вĕрентесси.
Кирлĕ хатĕрсем: мультимеди хатĕрĕ диск «звуки природы»,видеоролик.
Мероприяти юхăмĕ.
Çут çанталăк сас-чĕвне итлени
1Ертсе пыракан: Çут тĕнчере тĕрлĕ планетăсем нумай, анчах та кун пекки урăх çук. Пĕр енче çулла пулсан, тепĕр енче хĕлле. Пĕр енче çуркунне пулсан, тепĕр енче кĕркунне.. Пĕр енче кун пулсан, тепĕр енче çĕрле. Кунта çурçĕр те, кăнтăр та, тухăç та, анăç та пур. Планета çинчи пурнăç вăрттăнлăхсенчен тата тĕлĕнтермĕшсенчен тăрать. Мĕн ятлă-ши çак планета? Паллах ку пирĕн Çĕр. Çĕр çинче чĕрĕ çут çанталăк, хĕвел çутти, сывлăш, шыв, ÿсен-тăран, чĕр чунсем тата этем. Çĕр-Аннемĕр пире тăрантарать, ĕçтерет, ăшă парать, илемĕпе килентерет. Юлашки вăхăтра пире пурне те çак Çĕре, çут çанталăка епле упраса хăварас шухăш канăç памасть.
: